LIGJET E BIZNESIT
Një aksident rrugor është regjistruar dy ditë më parë në zonën e quajtur ish-uzina Dinamos. Ngjarja në fjalë ka të bëjë me vdekjen e 23-vjeçarit Reldi Guga, i cili si pasojë e plagëve të rënda ka ndërruar jetë ditë e djeshme.
I ndjeri, teksa po udhëtonte me biçikletë në orët e para të paradites, një mjet i tonazhit të rëndë, që po transportonte materiale ndërtimi e ka shtypur ku për pasojë ka humbur jetën dje në spital. Në lidhje me këtë aksident tragjik ndonëse kanë kaluar 2 ditë nuk ka një njoftim zyrtar nga Policia e Shtetit.
Përmes një postimi në rrjetin sociale Facebook, profesori i tij Erion Kristo bashkëngjitur me një video ka publikuar një mesazh të ndjerë duke e quajtur studentin e tij të preferuar. Ndër të tjera Kristo shkruan: “Po vdiqe në një aksident rrugor, kur nuk kishte as makina, o Reldi!”
Reagimi i Erion Kristos:
Po si na ike kështu, o Reldi? Po ishe në lule të moshës, o Reldi! Po vdiqe në aksident rrugor, kur nuk kishte as makina, o Reldi! Po lajmin për ty as nuk e dhanë, o Reldi! Po ti ishe studenti im i preferuar, o Reldi! Po ça na bëni kështu ooo njerëz? Po na shtypni! Ti e dije që këtu nuk zbatohen ligjet, o Reldi! Qofsh i parajsës, o Reldi! Shokët, miqtë, pedagogët nuk do të të harrojnë! Ngushëllime familjes!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërkaq bashkëngjitur me mesazhin, Erion Kristo ka publikuar dhe një video në një orë mësimi. Në video shihet qartë Reldi teksa shprehet se këtu në Shqipëri nuk zbatohen ligjet.
