Jetonte në mes të Tiranës/ Ja çfarë gjeti policia në banesën e të shumëkërkuarit Orges Bilbili

Edhe pse i kërkuar nga drejtësia, dukej se Orges Bilbili nuk bënte jetë si një person në telashe.

Kokë e këmbë me veshje luksi, ai ishte dhe një adhurues i markave të shtrenjta.

Pas arrestimit të Bilbilit, vendi i parë që iu nënshtrua kontrollit është dhe banesa e tij ku rrinte me qera në afërsi të qendrës së Tiranës.

Policia kriminale gjeti brenda aksesorë luksozë që tregonin më së miri adhurimin e 30-vjecarit për market e shtrenjta.

Ndërkohë pistoletën që mbante me vete ditën e arrestimit e kishte prodhim izraelit, ndërsa fishekët nga Italia.

“Provat materiale të sekuestruara nga policia kriminale menjëherë pasi ai u plagos nga forcat “Shigjeta” tregojnë sqimën e 30 vjeçarit, jo vetëm për veshjet që u përkasin firmave të njohura, por edhe armët nga Izraeli.

Burimi i policisë kriminale tha se mes provave të sekuestruara ishte një celular  Iphone 11, ai mbante laptop Acer, pëlqente çantat krahëqafë të firmave të ndryshme siç rezultoi se kishte tre të tilla.

Një efektiv i ‘Shqiponjave” tregoi se  në momentin e arrestimit, teksa ishte shtrirë përtokë dhe kur policia nuk e dinte ende se kujt po i shtrëngonte prangat, agjentët panë se djali shkërmoqi telefonin. “Por ndërkohë,  çanta e krahut ‘Luis Vuitton’ u mor bashkë me mbetjet e aparatit si provë materiale”, – thotë burimi. Ai kishte gjithashtu një kapele ngjyrë të bardhë të firmës së njohur “Adidas”.  “Arma e zjarrit që i’u bllokua ishte pistoletë moderne e prodhuar në  Izrael, brenda së cilës gjendeshin 18 fishekë. Ndërsa tek krehëri i  fishekëve lexohej mbishkrimi “Made in Italy”.

Ndërsa në shtëpinë  ku Orgest Bilbili jetonte me qira policia gjeti edhe një çantë tjetër të firmës “Borboneze” dhe një të firmës “Calvin Klein”, – i tha gazetës “Si” një tjetër  ekspert i përfshirë në ekzaminimin e vendngjarjes, që tregon dobësinë e të riut për aksesorët e shtrenjtë,” thuhet ndër të tjera në Gazetën Si.