Jeni bllokuar në SHBA? Ambasada nxjerr njoftimin me rëndësi: Ja hapat që duhet të ndiqni për tu kthyer në Shqipëri

Një njoftim i rëndësishëm vjen nga ambasada shqiptare në SHBA.

Kështu, mësohet se të gjithë shqiptarët e bllokuar atje për shkak të situatës nga koronavirusi, të cilët duan të kthehen në atdhe, tashmë e kanë një mundësi.

Me anë të një njoftimi, ambasada informon se ky udhëtim do të bëhet duke u koordinuar me procesin e riatdhesimit dhe linjat e avionëve drejt Frankfurtit, Vjenës, Romës dhe Milanos.

“Në çdo rast ju mund të fluturoni nga SHBA drejt Europës, të qëndroni tranzit në aeroportin që keni zgjedhur, dhe më pas të merrni fluturimin e Air Albania drejt Tiranës”, bën me dije ambasada ndër të tjera.

NJOFTIMI ZYRTAR I AMBASADES

Në se je qytetar shqiptar që ndodhesh momentalisht në SHBA dhe dëshiron të udhëtosh drejt Shqipërisë, ky udhëtim mund të realizohet duke u koordinuar me procesin e riatdhesimit me Air Albania që operon nga qyteti i Frankfurtit (Gjermani), Vjena (Austri), Roma dhe Milano (Itali). Në çdo rast ju mund të fluturoni nga SHBA drejt Europës, të qëndroni tranzit në aeroportin që keni zgjedhur, dhe më pas të merrni fluturimin e Air Albania drejt Tiranës.

Sugjerojmë që fillimisht të siguroni një vend në pjesën e dytë të fluturimit me Air Albania. Për të realizuar këtë klikoni ne linkun e mëposhtëm si edhe të ndiqni hapat e vëna në diapozicion nga kompania Air Albania dhe Ministria e Energjisë dhe Infrastrukturës. https://www.airalbania.com.al/en/

Paralelisht duhet të keni koordinuar fluturimin nga SHBA drejt qytetit që keni zgjedhur, e për këtë sugjerojmë t’i drejtoheni agjensive të fluturimit/ajrore. Për çdo paqartësi lidhur me këtë proces jeni të lutur të kontaktoni në Telefon ose Whatsapp nga ora 8.00 deri në ora 18.00 numrat e vendosur në dispozicion nga Ministria e Infrastrukturës dhe Energjisë: +355 4 224 60 00; +355 69 80 47 619; +355 69 80 47 625; +355 69 80 47 633. Vlen të theksojmë se gjatë këtyre ditëve, shumë shtetas shqiptar në SHBA që e kanë pasur të domosdoshme largimin drejt Shqipërisë, përpara fillimit të linjave të zakonshme, kanë operuar nëpërmjet itinerarit të mësipërm dhe tashmë kanë mbërritur në Shqipëri.