Janë disa vatra që po shtohen çdo ditë dhe janë në disa institucione / Bardh Spahia ngre alarmin për situatën e rënduar në Shkodër nga koronavirusi

Ish-deputeti i PD, Bardh Spahia deklaroi për “Abc News” se në Shkodër në disa institucione të rëndësishme si spitali, policia dhe biznese private siç janë fasoneritë ka disa vatra të reja të COVID-19.

Sipas tij menaxhimi i përhapjes së koronavirusit në qytetin e Shkodrës nuk është bërë në mënyrën e duhur, sipas tij kjo situatë është neglizhuar nga instancat kryesore, ndërsa theksoi se situata është alarmante.

Deklarata:

“Është një situatë alarmante. Janë disa vatra që po shtohen çdo ditë dhe janë në disa institucione të këtij qyteti.

Tashmë është fakt që ka një shtim të të prekurve nga koronavirusi. Spitali, Policia apo biznese si fasoneritë janë vatra të reja. Ka një gabim në strategjinë  e përballjes me këtë situatë”, u shpreh Spahiu.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern