Ish-Kryeministri Sali Berisha deklaroi mbrëmjen e sotme se ndonëse kemi 4 javë që e kërkojmë mbylljen e fasonerive, ato mbahen të hapura për një arsye fare të thjeshtë: Sepse lekët e shqiptarëve, lekët e taksave që janë rritur këto 7 vite të qeverisjes Rama, nuk shkojnë tek qytetarët, por shkojnë tek oligarkët.
Deklarata e Ish-Kryeministrit Berisha:
“Çështja kryesore sot janë tavolinat e zbrazura të shqiptarëve. Janë xhepat e zbrazur të kryefamiljarëve. Janë dhjetëra të infektuar vetëm në 24 orët e fundit nga fasoneri të pambyllura. Ndonëse kemi 4 javë që e kërkojmë mbylljen e tyre, fasoneritë mbahen të hapura për një arsye fare të thjeshtë: Sepse lekët e shqiptarëve, lekët e taksave që janë rritur këto 7 vite të qeverisjes Rama, nuk shkojnë tek qytetarët, por shkojnë tek oligarkët. Shkojnë në tendera sekretë dhe korruptivë.”
