Ditën e djeshme në një lidhje direkte me një televizion italian kryeministri Edi Rama ka bërë një deklaratë befasuese.
Ai u shpreh se është arrestuar njëherë në Bologna pasi ka parë një polic që po tentonte të abuzonte me një grua dhe Rama kishte ndërhyrë por më pas kishte përfunduar nën arrest.
Ngjarja ka ndodhur vite më parë, ndërkohë që menjëherë pas kësaj deklarate të kryeministrit ka ardhur dhe reagimi i Partisë Demokratike.
Ish-deputeti demokrat Oerd Bylykbashi shprehet se shefi i qeverisë nuk e ka bërë publik këtë fakt në formularin e dekriminalizimit.
Ndër të tjera ai shton se me këtë veprim, Rama duhet të humbasë funksionet publike si deputet dhe kryeministër pasi ky ligj nuk pezullohet me akt normative as në kohë lufte apo pandemie.
REAGIMI I PLOTE I ISH-DEPUTETIT TE PD OERD BYLYKBASHI
Ne mes te hallit qe ka zene te gjithe, kur njerezit jane mbyllur ne shtepi dhe shpesh nuk kane mundesi te sigurojne buken e femijeve, apo biznesi u eshte mbyllur, Rama deklaroi ne median italiane se vite me pare eshte arrestuar ne Bolonja sepse kishte kundershtuar nje punonjes policie.
Ka nje problem te madh me kete deklarim: eshte arrestuar nga policia. Kryeministri NUK e ka deklaruar kete arrestim ne formularin e Dekriminalizimit! Ne rast mosdeklarimi ligji dikton se ai humbet te gjitha funksionet publike. Edhe si deputet edhe si kryeminister! Ligji i Dekriminalizimit i kaluar me shumice te cilesuar nuk pezullohet me akt normativ as ne kohe lufte apo pandemie.
Sa per t’ia kulluar mendimet Kryeministrit, dy deputete jane larguar nga parlamenti per kaq gje. Thjesht sepse nuk deklaruan arrestin.
Edi Rama duhet te sqaroje urgjentisht nese ka genjyer per propagande se eshte arrestuar ne Bolonja pasi kundershtoi nje punonjes policie, ne te kundert institucionet duhet te nisin menjehere proceduren e parashikuar nga Ligji i Dekriminalizimit per mosdeklarim ne formularin e Dekriminalizimit te arrestimit nga policia.
