Mëngjesin e sotëm policia e Vlorës ka arrestuar një person të shpallur në kërkim ndërkombëtar.
Sipas informacioneve, i arrestuari i cili do të ekstradohet në Itali, është shtetasi Edmond Makri (Aliko), 54 vjeç, i cili është dënuar në shtetin fqinj me 12 vjet e 8 muaj burg në vitin 2013.
Mbi të rëndojnë akuzat ‘Shfrytëzim prostitucioni’, ‘Trafikim të narkotikëve’ dhe ‘Migracion Klandestin’.
NJOFTIMI ZYRTAR I POLICISE
Policia e Vlorës, në bashkëpunim me Interpol Tirana ka finalizuar me sukses një operacion gjatë së cilit u arrestua një person, i shpallur në kërkim ndërkombëtar nga autoritetet italiane.
Në kuadër të operacionit “Kumia” u arrestua me qëllim ekstradimi në Itali, Edmond Makri (Aliko), 54 vjeç, i dënuar në shtetin fqinj për disa vepra penale.
Gjykata e Apelit në Aquila e ka dënuar këtë shtetas me 12 vite e 8 muaj burgim, për veprat penale “Trafikimi i lëndëve narkotike” dhe “Shfrytëzim prostitucioni dhe migracion klandestin”
Duket se masat shtrënguese dhe të karantinimit kanë ndihmuar dhe në punën e Policisë së Shtetit, pasi shumë të kërkuar janë arrestuar në shtëpitë e tyre, ku qëndrojnë nga frika e koronavirusit.
