Ishte bërë gati për intervistën televizive/ Këngëtari shqiptar përfundon në operacion

Intervista me këngëtarin shumë të dashur për publikun shqiptar Blero Muharremi për emisionin “Rudina”, ishte menduar të bëhej javën e kaluar, por u anulua, për shkak se këngëtari iu nënshtrua një ndërhyrje kirurgjikale.

Këngëtari nuk tregoi detaje rreth ndërhyrjes, por tha që me rëndësi është fakti që tani është në rregull.

Pjesë nga biseda:

Rudina Magjisatari: Me Bleron e kishim parashikuar intervistën një javë përpara, por kur ishim gati për ta realizuar ajo u anulua sepse Blero pati një ndërhyrje kirurgjikale. Më trego si je aktualisht?

Blero Muharremi: Është pak personale që të flas për ndërhyrjen, por me rëndësi është që jam mirë, jam shëndoshë dhe jam duke e marrë veten për t’u rikuperuar. Kam 12 ditë që jam i shtrirë, por më ka qëlluar ndoshta në atë kohën ideale, duke qenë se është dhe kohë karantine, kohë që të rrimë në shtëpi ka qenë më kollaj për mua për ta përballuar. Jam mirë dhe duke e marrë veten.

Rudina Magjistari: Më vjen mirë që ka kaluar dhe ka shkuar gjithçka mirë. Nuk do të tregosh fare se çfarë ndërhyrje ishte apo jo?

Blero Muharremi: Është personale! Jam duke e marrë veten dhe sot isha normalisht në kontroll dhe për 10 ditë do jem më ok dhe në rregull.