LIGJET E BIZNESIT
Një ditë pas arrestimit si i dyshuar për pjesëmarrjen në vrasjen e Santiago Malkos, Ilir Selmani dha dëshminë e tij para grupit hetimor në Prokurorinë e Përgjithshme.
Nga ato që raportojnë gazetarët e terrenit, Selmani ka mohuar të ketë lidhje me vrasjen e Santiago Malkos në 27 gusht 2019.
“Nuk e njoh Santiago Malkon dhe nuk kam asnjë lidhje me vrasjen e tij. Kam mosmarrëveshje me grupin e Ervis Martinajt kjo për shkak dhe të shokut tim, Leonard Duka, për këtë mbaja dhe armën me vete”, citohet të ketë thënë i arrestuari.
Selmani u arrestua në zonën e Xhamllikut, shumë pranë ku dhe është kryer vrasja, duke çuar kështu në 2 numrin e personave të arrestuar lidhur me këtë atentat mafioz, pas Blendi Tetës që ka disa muaj pas hekurave.
Në videon e kapur nga kamerat e sigurisë, Ilir Selmani është personi që zbret nga një makinë dhe mbledh nga toka bishtat e cigareve që kishte konsumuar më herët Blendi Teta, duke i hedhur në koshin e mbeturinave. Ilir Selmani është pjesë e ‚klanit Duka‘, të Leonard Dukës, që dyshohet se fshihet pas vrasjes së Malkos.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
