Kryeministri i Britanisë së Madhe Boris Johnson është prekur nga koronavirusi dhe prej disa ditësh tashmë ndodhet në spital ku i është nënshtruar terapisë intensive me oksigjen.
Ndërkohë që e gjitha bota është e shqetësuar për gjendjen e tij shëndetësore, ka folur për mediat edhe babai i tij Stanley Johnson.
79 vjeçari u shpreh se i biri është një luftëtar që është rritur në fshat dhe beson se do ta mposhtë COVID19.
Edhe Stanley Johnson i cili është autor librash dhe ish-deputet, është izoluar gjithashtu pasi mësoi se i biri është me koronavirus, dhe tha se shëndetin e djalit e merr vesh vetëm nga lajmet.
“Po dëgjoj vetëm në lajme sesi është gjendja e tij e nuk po informohem nga ndokush. Por ai është optimist, i qëndrueshëm dhe i fortë. Boris mund të mbështesë idetë e tij në faktin se kur ka qenë i vogël është rritur në një fermë, me kushte të vështira”, tha Stanley, raporton Daily Mail.
“Shpresoj që Boris do të ketë kohë të rikuperohet në ‘Checkers’, ku kanë marrë një fermë shumë të mirë prej 2,000 hektarësh. Ai do të jetë në shtëpi atje. Boris nuk është njeri klasik, por vjen nga fshati e kjo do e ndihmojë shumë atë. Ai është një fshatar.”, tha më tej babai i kryeministrit britanik.
Duke folur në shtëpinë e tij 500 hektarësh në Exmoor, Devon, babai i kreut të qeverisë britanike shtoi:
“Një pjesë e karakterit të djalit tim është formuar pikërisht këtu dhe në fshatin lokal të Ëinsford. Boris u rrit për të qenë i zellshëm në fermën tonë kodrinore, si unë, duke u marrë me delet dhe duke punuar me kafshët. Ne nuk ishin familje që organizonte darka, ne nuk shkonim për gjueti apo peshkim, por ne ishim fermerët Exmoor-i.
Boris iu bënte deleve në kurriz shkronjën L para se të shkonim ne në treg. Ai ka marrë një pjesë të karakterit të kësaj ane, ndaj besoj se është optimist dhe shumë shpresëdhënës.”-tha i ati.
