LIGJET E BIZNESIT
Kryeministri Rama ka bërë një reagim të fortë në rrjete sociale për sa i përket publikimit nga mediat të ndihmave humanitare për njerëzit në vështirësi ekonomike.
Postimi i kryeministrit Rama:
KJO ËSHTË E NJËJTA SHTËPI, KU KA SHKUAR MË PARË PAKOJA ME USHQIME E OPERACIONIT HUMANITAR DHE NË PËRGJIGJE TË THIRRJES SË KËTIJ EKRANI, QË “KRYEMINISTRI TË SHOHË REALITETIN”, PO E POSTOJ PËR TË GJITHË ATA QË DIZINFORMOHEN, MANIPULOHEN, HELMOHEN NGA TË TILLA “LAJME HUMANITARE” ME THIRRJE “NË EMËR TË POPULLIT”
*Nuk pashë një media të verifikojë shifrat e ndihmave që ne publikojmë, nuk pashë një media të pasqyrojë Operacionin Humanitar, nuk pashë një media të shoqërojë lajmin e keq për një familje, që e gjen sot kudo, në çdo vend të planetit pa asnjë problem dhe shumë mirë bëjnë që e pasqyrojnë, me lajmin e mirë të ndihmës së mijëra familjeve në ditë nga ky shtet, që ka njëqind të meta, por po bëhet copash në çdo front të kësaj lufte, falë mijëra e mijëra shërbëtorëve të popullit!
E kuptoni tani që po mos informoheshit nga kjo faqe, s’kishit për ta marrë vesh kurrë që ka një Operacion Humanitar në veprim, derë më derë, që nga dita e parë e luftës?!
NE NUK JEMI MË TË MIRËT, PO MË TË MIRË SE NE HARROJENI!
