Habit mjeku shqiptar në Spanjë: 10 vite jetë u shkurtohet të sëmurëve në reanimacion

Mjeku shqiptar në Spanjë Kita Sallabanda, i ftur në emisionin Opinion, ka folur për dy fenomene të reja ndaj të prekurve me Covid-19 ndërsa thekson se përqindja e të shëruarve është dyfish më shumë sesa atyre që shtrohen në spital.

Mjeku Sallabanda shprehet se të sëmurët kanë humbur shumë peshë trupore por jo vetëm, ata ndihen sikur ka kaluar një traktor mbi ta.

“Kemi patur 2 fenomene të reja. Të sëmurët që kanë dalë nga spitalet janë sikur ka kaluar një traktor mbi ta. Ka të sëmurë që kanë humbur 10-12 kile. Dhe sipas disa të dhënave jo shkencore të sëmurët në reanimacion kanë shkurtuar jetën 10 vjet, ndërsa ata në situata më të lehta kanë shkurtuar 2-3 vjet.”, shprehet mjeku shqiptar në Spanjë.

Ndërkohë, ai shprehet se janë ndeshur dhe me një fenomen të dytë pasi janë shtruar 50 fëmijë në spital me sindromën e Kavasakit shoqëruar me Covid.

“Fenomeni i dytë që jemi ndeshur është se kemi 50 fëmijë të shtruar në spital, me sindromin e Kavasakit, shoqëruar me COVID. Sindromi i Kavasakit është një inflamacion i enëve të gjakut dhe që jep një shok tek fëmijët, me probleme kardiake, dhimbje, barku, diarre, të vjella. Nga të dhënat e specialistëve ka rezultuar që këta fëmijë me sindromën e Kavasaskit janë të prekur nga COVID. Kemi 50 fëmijë nën moshën 5 vjeç.”, shton më tej mjeku Sallabanda.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern