Gjermania i pret biletën Kinës, i jep faturën 150 miliardë euro: Paguajeni për dëmin që shkaktoi COVID19

Së fundmi Gjermania ka bërë një lëvizje të fortë duke i dërguar Kinës një faturë prej 150 miliardë eurosh për të gjitha dëmet që ka shkaktuar COVID19 që prej shpërthimit të tij.

Kështu, Gjermania i bashkohet Anglisë, Francës dhe SHBA, të cilët e akuzojnë Kinën si fajtore për përhapjen e koronavirusit, i cili tashmë është kthyer në një pandemi të rrezikshme për mbarë botën.

Lajmi është publikuar nga tabloidi britanik Express (kliko këtu për ta lexuar) , por kërkesa për këtë shifër ka ardhur nga media gjermane “BILD”, e cila është përfshirë në një “luftë të ftohtë” me Kinën.

Lista përfshin një tarifë prej 27 miliardë eurosh për të ardhurat e humbura nga turizmi, deri në 7.2 miliardë euro për industrinë gjermane të filmit, një milion euro në orë për kompaninë ajrore gjermane Lufthansa dhe 50 miliardë euro për bizneset e vogla gjermane.

Presidenti i SHBA Donald Trump u shpreh se Kina duhet të përballet me pasoja, pasi sipas tij ky shtet kishte mundësinë që ky virus i rrezikshëm të ndalej së përhapuri.

“Mund të ishte ndalur në Kinë para se të fillonte dhe nuk do të ishte, dhe e gjithë bota po vuan për shkak të saj”, deklaroi Trump përpara gazetarëve gjatë një prononcimi zyrtar.