Ditën e sotme një urdhër i ri është firmosur nga ministrja e Shëndetësisë Ogerta Manastirliu dhe ministri i Brendshëm Sandër Lleshaj përsa i përket riatdhesimit të shqiptarëve të mbetur në kufi.
Në urdhërin me 5 pika, sqarohet se cilët emigrantë përfitojnë dhe si do të veprohet me karantinimin e tyre.
Në letrën zyrtare thuhet se të gjithë shqiptarët që nuk jantë rezidentë në vende të tjera do të lejohet të hyjnë, por do të duhet të që karantinohen për 14 ditë pranë kufirit, dhe të gjitha shpenzimet do të paguhen nga vetë ata. Mosrespektimi i karantinimit është i dënueshëm dhe shkelësit do të ndëshkohen sipas legjislacionit në fuqi.
“Shtetasit shqiptarë, të cilët paraqiten në pikat e kalimit kufitar tokësor, në shkelje të parimit bazë të mbrojtjes së shëndetit publik nga COVID-19, që nuk janë rezidentë në vende të tjera, të vetëkarantinohen për një periudhë 14-ditore, nën masa të rrepta sigurie, me shpenzimet e tyre, në struktura akomoduese pranë pikave kufitare, të përcakturaa nga Ministria e Brendshme.
Shtetasit rezidentë në vende të tjera nuk do të lejohen të hyjnë në territorin e Republikës së Shqipërisë. Strukturat e Policisë së Shtetit pranë zonave kufitare të sigurojnë ruajtjen në strukturën akomoduese ku do të jenë personat e vetëkarantinuar.
Mosrespektimi i detyrimit të përcaktuar në këtë urdhër për vetëkarantinim për 14 ditë të personave që hyjnë në territorin e Republikës së Shqipërisë është i dënueshëm sipas legjislacionit në fuqi. Ngarkohen strukturat vendore të Ministrisë së Shëndetësië dhe të Mbrojtjes pranë pikave kufitare për zbatimin e këtji urdhëri,”-citohet në urdhërin e dy ministrave.
