Një ngjarje e rëndë ka ndodhur së fundmi në Kosovë.
Mësohet se një grua shtatzënë nga Gjakova ka ndërruar jetë mëngjesin e sotëm pas infektimit nga koronavirusi.
E ndjera ishte e moshës 40-vjeçare dhe në javën e 28 të shtatzanisë.
“Klinika Infektive e QKUK-së njofton se gjatë orëve të para të datës 21. 04. 2020 në Mjekimin Intensiv të kësaj klinike ka ndërruar jetë pacientja V.P. me vendbanim në Gjakovë (1980) e diagnostikuar me Covid-19. E njëjta, ishte shtatzënë dhe po trajtohej në mjekimin intensive të klinikës që prej datës 15 prill 2020” thuhet në njoftim.
Deri më tani numri i viktimave nga COVID19 në Kosovë ka shkuar në 16.
Ndërsa numri i të prekurve është 598, dhe raportohet për 123 persona të shëruar.
