E rëndë/ Koronavirusi i merr jetën publicistit dhe përkthyesit të njohur shqiptar

Një lajm i rëndë vjen nga Shtetet e Bashkuara të Amerikës.

Mësohet se publicisti i njohur  dhe përkthyesi shqiptar Ilir Hashorva është ndarë nga jeta në moshën 79-vjeçare.

Ai jetonte prej kohësh në New York, ndërkohë lajmi është bërë i ditur nga miq, familjarë dhe bashkëpunëtorë të tij.

Sipas informacioneve Hashorva ishte infektuar nga COVID19.

Virusi i rëndoi gjendjen shëndetësore dhe nuk mundi të mbijetonte.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ilir Hashorva është autor dhe përkthyer i disa vëllimeve, të tilla si ““Gandi – jeta”, “Gandi – filozofia dhe feja”, Gandizmi” si dhe “Analiza e komente për Gandin dhe Gandizmin” etj.

Ai ishte djali i mësuesit të njohur dhe intelektualit Ali Hashorva.   Iliri ka lindur më 1 Tetor 1941 në Tiranë. Pas përfundimit të Fakultetit të Inxhinierisë ai punoi në Pashaliman, në Tropojë dhe më pas në Institutin e Hidrometeorologjisë në Tiranë si Shef i Laboratorit të këtij instituti.

Vitet e fundit ai është marrë me publicistikë, ka botuar artikuj dhe përkthime në mediat e Tiranës.