E rëndë/ Aksidentohet ambulanca me të sëmurin brenda, përplaset nga “Benzi” me 5 persona

Një aksident i rëndë ka ndodhur pasditen e sotme në Durrës.

Mësohet se një ambulancë e cila po transportonte një person të sëmurë, është përplasur nga një makinë tip “ Benz”.

Në momentin që autoambulanca po ecte, rruga i është prerë nga “Benzi”, brenda të cilit ndodheshin 5 vetë, kundër rregullave të sigurisë të përcaktuara me ligj për COVID19 dhe jashtë fashës së orarit të lejuar.

Aksidenti ka ndodhur në zonën e unazës së Plazhit në Durrës.

Si pasojë e përplasjes, personeli shëndetësor i ambulancës dhe i sëmuri nuk patën dëmtime ndërsa në makinën tjetër është lënduar vetëm një person.

Ndërkohë policia ka mbërritur në vendin e ngjarjes dhe po heton për zbardjen e plotë të rrethanave të aksidentit.