E papritur/ Pas 5 muajsh në detyrë, dorëhiqet kryetari i komanduar i Bashkisë Durrës

Kryetari i komanduar i Bashkisë së Durrësit Zhuljen Varfaj ka dhënë dorëheqjen pas 5 muajsh në detyrë, ku zëvendësoi Valbona Sakon, e cila doli fituese në zgjedhjet vendore të 30 qershorit të vitit të kaluar.

Mësohet se ky vendim i Varfajt, i cili është bërë i ditur sot herët në mëngjes, ka ardhur për arsye shëndetësore.

Varfaj njihet si një nga njerëzit më të afërt të ish-kryetarit të Bashkisë Durrës Vangjush Dako.

Kërkesa e dorëheqjes

Sot me dt 23.04.2020, Unë Zhuljen Ago Varfaj,

Me detyrë Zëvendës Kryetar i Bashkisë  Durrës i emëruar me vendim të Këshillit Bashkiak Durrës nr-dt- për të ushtruar detyrat si dhe funksionet e Kryetarit të Bashkisë së Durrësit, i gjendur para një situate krejtësisht të pa favorshme, madje me rrezik të shtuar për shëndetin tim, parashtroj dhe jap dorhëheqjen time të parevokueshme nga detyra dhe funksionet e ngarkuara.

Do të dëshiroja të falenderoja dhe të  vlerësoja me mirënjohje Këshillin Bashkiak të Durrësit për besimin dhe mbështetjen  e dhënë nga çdo anëtar i tij, bashkëpunëtore e bashkëpunëtorë të mi të administratës së Bashkisë Durrës, që në këtë periudhë të vështirësive të mëdha për Durrësin kanë dhënë dhe bërë më të mirën e tyre në zgjidhjen e shumë problematikave dhe kërkesave të qytetarëve të Durrësit.

Me respekt, Zv/Kryetar, Zhuljen VARFAJ