Kreu i Qeverisë Edi Rama në një intervistë për Ora News ka shpjeguar nëse ata që punojnë në të zezë do të përfitojnë nga paketa e qeverisë. Kryeministri theksoi që nëse nuk e deklarojnë se ku kanë punuar, atëherë nuk do të mund të përfitojnë nga kjo paketë.
Leftion Peristeri: Si do të veprohet me ata persona që e kanë siguruar bukën e gojës ose jetën e tyre minimale duke punuar në të zezë, sepse nga ajo që kam kuptuar nuk e përfitojnë këtë pagë minimale prej 26 000 lekësh.
Rama: Ata nuk e përfitojnë ndihmën shtetërore në asnjë vend të planetit, edhe në vende shumë më të pasura se ne. Nga ata dhe të tjerë është një debat që merr këtë përgjigje; nëse futemi në këtë rrugë i bie që të gjithë të thonë se kanë punuar në të zezë, por si ta vërtetojmë ne. Ajo që ne kemi bërë dhe jemi të gatshëm tu përgjigjemi një më një atyre që punojnë në të zezë dhe këtë nuk e kanë bërë vende të tjera, se jemi në kontakt të vazhdueshëm.
Nëse ke punuar në të zezë dhe do ndihmë shtetërore, duhet të tregosh se ku ke punuar në të zezë, kush të ka paguar. Nëse ti më thua se ke punuar në të zezë dhe nuk tregon se kush ishte ai që ta ka dhënë punën se nuk do të kesh siklet me të dhe bli bla bla, përgjigja ime është më vjen keq, skam se si të ndihmoj se kështu të gjithë thonë se kam punuar në të zezë, por nuk të tregon, por ti më jep vetëm lekët.
Është shumë e thjeshtë, kush ka punuar të zezë dhe është i gatshëm të thotë se ka marrë një pagë në dorë dhe është në pikë të hallit, jemi të gatshëm padyshim që ta ndihmojmë, edhe duke e regjistruar në atë kompani, të cilët do ta detyrojmë që ta regjistrojë dhe do t’i marrim lekët asaj kompanie dhe do t’ia japim ati që ka nevojë.
