Dokumenti/ Del urdhri i Manastirliut: Ja oraret kur mund të lëvizin njerëzit dhe makinat në këto zona

Për shkak se rreziku i përhapjes së koronavirusit në disa qytete të Shqipërisë është më i vogël, qeveria ka vendosur që të marrë disa masa lehtësuese për këto zona.

Të konsideruara si zona të gjelbërta, ndërkohë është zbardhur dhe urdhëri i Ministres së Shëndetësisë Ogerta Manastirliu.

Kështu, mësohet se si zonë e gjelbërt janë caktuar qarku Dibër, qarku Gjirokastër, zona e përbashkët e bashkive Sarandë, Konispol, Himarë, Delvinë, Finiq, por edhe Përrenjas, Pogradec, Librazhd, si dhe Bashkia e Divjakës.

Në lidhje me këto zona, Ministria e Shëndetësisë ka lëshuar urdhërin për lëvizjen e qytetarëve, se në cilat orare duhen bërë këta lëvizje.

Në urdhërin e nënshkruar nga ministrja Manastirliu, jepet urdhër për oraret e lëvizjes së qytetarëve, por edhe të automjeteve.