“Do marrim lesht” Berberi përleshet me Ramën, kryeministri: Mëso të qethësh leshin e gjuhës!

Nuk janë të pakta rastet kur kryeministri Edi Rama debaton me ndjekësit e tij në rrjetet sociale.

Përplasja më e fundit është mes tij dhe një berberi, i cili e ka pyetur me anë të një komenti se kur mund të përfitojë pagën e luftës.

“Përshëndetje, jam një berber i punësuar te një sallon, jam i siguruar, desha tu pyes kur do e marrim pagën e luftës? Apo ne që bëjmë punë leshi, lesht kemi për të marrë”, shkruan berberi.

Ndërkohë kryeministri nuk ia ka lënë mangut përgjigjen duke reaguar menjëherë:

“Do marrësh 400 mijë lekë nga paketa e zgjeruar dhe mëso të qethësh leshin e gjuhës tënde ndërkohë që je pa punë!”, ia kthen Rama.