Kryeministri i vendit, Edi Rama në një lidhje të drejtërdrejtë për “News24” ka komentuar deklaratën e tij të mëparshme kur tha se nëse nuk do ishin marrë masat do kishim 18 mijë të vdekur.
Kreu i Qeverisë deklaroi se deklarata e tij ka qenë e bazuar te një projeksion i një eksperti të pavarur që ka dalë në media, i cili punon në një vend të huaj.
Deklarata e Kryeministrit Rama:
“Nuk e kam thënë këtë, pyetja ndërtohet mbi bazën e keqkuptimeve. Kam thënë që bazuar te një projeksion i një eksperti të pavarur që ka dalë në media, i cili punon në një vend të huaj, parashikoheshin 18 mijë të vdekur. Dhe nëse ne s’do kishim marrë masat, e nëse sot do kishim të njëjtën përqindje në raport me popullsinë të Lombardisë, shifrat do ishin të frikshme.
Zoti na ndihmoftë deri në fund por s’na ka ardhur dita të veshim me qese mjekët e infermierët sic i kanë veshur në Londër dhe Nju Jork.”
