Gëzim Bici, mbeti i plagosur pasditen e sotme në një atentat pranë Urës së Bunës në Shkodër. Persona të paidentifikuar qëlluan dy herë me pistoletë 50-vjeçarin.
Ndërkaq, në lidhje me këtë ngjarje të tjera detaje kanë dalë në dritë. Sipas informacioneve paraprake, mësohet se Gëzim Bici ka lidhje me Edmir Koçian, i ashtuquajtur si “i forti” i Shkodrës.
Ndërsa burimet bëjnë të ditur se i plagsuri Bici administronte disa biznese të Koçisë, ku dhe dyshohet se ishte pjesë e një grupi ku jepte lekë me fajde.
Ndonëse më parë u raportua se pista kryesore e hetimit ishte ajo e pronësisë, dyshohet se si pasojë e dhënies së parave me fajde, fshihen edhe shumë prona, si pamundësi për të paguar borxhin e marrë.
Ndër të tjera, në lidhje me këtë plagosje shkak është bërë një gurore në fshatin Zus, ku edhe ka ndodhur ngjarja por gjithashtu shkak mund të jetë edhe një ndërtesë që i plagosuri ka.
Sipas raportimeve në media, autor i dyshuar i plagosjes është Bardh Isufi, pasi edhe më herët në një sherr mes tyre, sherr i cili vijonte prej kohësh ku më pas ndodhi dhe plagosja.
Në momentin që po largohej, Bici është qëlluar në shpatull. I plagosuri ka ecur disa metra me këmbët e tija dhe ka dalë në rrugën kryesore. Policia nuk e ka gjetur ende armën me të cilën është qëlluar Gëzim Bici.
