Ka përfunduar seanca e jashtëzakonshme e Kuvendit, ku deputetët dhe ministrat u mblodhën për herë të parë pas rënies së pandemisë në kushte të rrepta sigurie.
Ndërkohë, janë miratuar dhe ndryshimet në Kodin Penal ku deputetët kanë dhënë 88 vota pro.
Janë 12 Akte Normative të qeverisë ku sanksionohet burg për shkelësit e karantinës.
Masat e reja të parashikuara në ndryshimet e Kodit Penal fillojnë nga gjobat deri në disa vite burg për të gjithë ata që shkelin rregullat e Covid-19.
“Moszbatimi ose kryerja e veprimeve në kundërshtim me aktet ligjore, në funksion të gjendjes së epidemisë, ndaj personit që është dhënë me parë masë administrative, dënohet me gjobë ose burg deri në 6 muaj.
Po kjo vepër kur është kryer në ushtrim të aktivitetit tregtar, ndëshkohet me gjobë ose burg deri në 2 vite.
Mos zbatimi për karantimin ose izolimin, apo shkelje nga personi bartës ose jo i sëmundjes, infektive të cilit i është njoftuar ky detyrim nga autoritetet përkatëse dënohet me burg nga 2-3 vite.
Përhapja me dashje e sëmundjes infektimve nëpërmjet kryerjes së veprimeve apo mosveprimeve nga personi që është identifuar si bartës, burg nga 2-5 vjet.
Kur është kryer nga pakujdesia dënohet me gjobë ose burg 2 vite.
Po kur kjo veper, ka shkaktuar pasoja të rënda për shëndetin ose është e rrezikshme për jetën e njerëzve, dënohet me burg nga 3-8 vite”, tha kreu i grupit të PS Taulant Balla duke iu referuar ndryshimeve të Kodit Penal.
Gjithashtu Kuvendi ka rrëzuar dhe dy dekretet e Presidentit Meta për anti-KÇK dhe ligjin e pronave.
Argumentat e Ilir Metës që akti normativ i Këshillit të Ministrave për anti-KÇK bie ndesh me Kushtetutën dhe shkel të drejtat dhe liritë themelore të njeriut nuk i kanë bindur socialistët duke i rrëzuar ato me votën e tyre si dhe të disa deputetëve të opozitës parlamentare.
Po ashtu janë miratuar 12 Aktet Normative për COVID-19, përfshi këtu ndryshimet në buxhetin 2020, të miratuara me 100 vota pro, ndryshimet në Kodin Penal, të miratuara me 89 votuan pro, për të cilat maxhoranca pranoi disa ndryshime të propozuara nga Presidenti Meta.
Po ashtu në Kuvend u miratua pr.ligji për ‘Tatimin mbi të ardhurat’, me 94 vota pro, u miratua shtyrja me 2 muaj e qirave për studentët dhe për bizneset e vogla. U miratua edhe Akti Normativ për pezullimin e Prokurorimeve Publike.
