“Ç’të bën pandemia, s’ta bën as kërdia e luftës!“ Kjo është pamja që trembi pa masë Spiropalin (FOTO)

Ditën e sotme ministrja e Shtetit për Marrëdhëniet me Parlamentin Elisa Spiropali ka kujtuar themelimin e kryeqytetit të Italisë, Romës.

Ajo ka publikuar pamjet nga Koloseumi, të cilat si rrallë më parë janë të zbrazëta, për shkak të pandemisë së COVID19.

E duket se ky peisazh nuk i ka pëlqyer aspak ministres duke shkruar se atë që të bën pandemia nuk e bën as kërdia e luftës.

“Më 21 Prill 753 p.K u themelua Roma. Sot, 2773 vjeçe. E zbrazët, për herë të parë në historinë e saj të gjatë dhe të trazuar. Ç’të bën pandemia, s’ta bën as kërdia e luftës! Presim t’i kthehet së shpejti gurgullima njerëzore, qytetit më të bukur të botës, bërthamës së qytetërimit perëndimor. Buon Compleanno, Roma!”, shkruan ministrja krahas fotos.