LIGJET E BIZNESIT
Një nga zonat më problematike të Tiranës kohët e fundit pas vendosjes së masave kundër përhapjes së koronavirusit është dhe tregu ushqimor në Kombinat.
Aty krijohej një dyndje për shkak se shumë qytetarë mblidheshin bashkë për të kryer pazaret e nevojshme, duke mos respektuar distancën.
Përpos shqetësimit, ky fakt përbënte dhe një rrezik më tepër për shkak të ekspozimit ndaj koronavirusit.
Mirëpo duket se kjo situatë tashmë ka marrë fund, pasi Policia dhe Ushtria kanë mbërritur aty për të vendosur rregull.
Gjërat sot kanë ndryshuar, ku hyrja bëhet përmes një postblloku: Ai që hyn do dezinfektohet dhe do të kalojë me rradhë një nga një.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Secili tregtar do të ketë një pullë të verdhë në pragun ku ushtron aktivitetin.
Tregu është me një kalim, hyn nga një vend dhe del në një vend tjetër.
Ndërsa një masë tjetër është se te shenja e vendosur me ngjyrë të verdhë blerësi do të mund të komunikojë me shitësin dhe do të mund të bëjë blerjet, e liron pastaj vendin, dhe vjen dikush tjetër.
