Kryetari i Partisë Demokratike së fundmi ka kërkuar që të gjithë punonjësit e policisë të marrin një shpërblim suplementar në lidhje me kohën që po kalojnë në krye të detyrës në këtë kohë pandemie të koronavirusit.
Menjëherë ka ardhur dhe reagimi i kryeministrit Edi Rama, i cili shprehet se Basha po vazhdon avazin e vjetës 7X7=42 dhe ëndërron protesta nesër.
Gjithashtu ai ka shtuar nota ironie duke thënë se sipas opozitës Covidi është Sudja me para.
‘LBPD nuk mendon si të ndihmojë,se as nuk do as nuk di, po vazhdon avazin e vjetër 7×7=42 dhe ëndërron protesta të mëdha nesër,duke i thënë popullit sot se Covidi është Sudja me thasë me para! Shqipëria do ta fitojë këtë luftë dhe LBPD do t’i mbetet vetëm turpi e dështimi i radhës’, shkruan Rama në rrjetet sociale.
