Profesori izraelit Isaac Ben-Isarel që pak ditë më parë u bë i famshëm në gjithë botën e tij për një deklaratë që thoshte se koronavirusi i ri, COVID-19 do të zhduket brenda 70 ditësh, duket se e ka ndryshuar mendimin.
Në një prononcim për gazetën ‘Times of Israel’, Ben-Isarel ka thënë se ka pasur shumë spekulime në lidhje me deklaratën e tij dhe tashmë ai është duke e rishqyrtuar pozicionin e tij.
“Nuk e di se përse virusi vdes pa ndërhyrje. Nuk kam asnjë shpjegim. Ka shumë spekulime për këtë. Ndoshta lidhet me klimën. Ndoshta virusi ka një jetëgjatësi të caktuar”, ka thënë profesori ndër të tjera në deklaratën e tij.
Më herët deklaratën e Ben-Isarel se virusi do të largohet pas 70 ditësh edhe pa gjetjen e vaksinën e hodhën poshtë shumë shkencëtarë nga e gjitha bota.
