Kryeministri i vendit, Edi Rama ka sqaruar në “Ora News” shqetësimin e krijuar ndët e pandemisë së COVID-19 se çfarë do ndodhë me shqiptarët që do të riatdhesohen, pasi kishin mbetur të bllokuar në rrugët e Europës kur nisi “lufta” ndaj koronavirusit, të cilët mund të bëhen burim infektimi për të tjerët. Ai thekson se mund të ketë shumë të infektuar prej tyre, por 99.9% e tyre kanë respektuar vetëkarantinimin.
Fjala e Kryeministrit Rama:
“Meqë kufijtë nuk u mbyllën që kur kjo u duk në Itali e meqë këta erdhën ne na mori lumi, realiteti tregon që absolutisht s’është e vërtetë. Mund të ketë shumë shumë të infektuar prej tyre, por 99.9% e tyre kanë respektuar vetëkarantinimin.
Nuk do të thotë që këta që na erdhën tani do na shkatërrojnë Shqipërinë se janë numër shumë i kufizuar e për rrezikun që kanë ne mund ta mbajmë nën kontroll pa pikën e problemit. Po shkuam në katastrofë do na mungojë edhe ne siç i mungon edhe SHBA që flet nga mëngjesi deri në darkë për maska, për të mbrojtur personelin e vijës së parë. Me këto vendimet tona s’ja kemi zili askujt, por jemi të kërcënuar nga një rrezik shqiptar që është shumë specifik, se prirja për të hedhur helm, për të përçarë e tmerruar njerëzit për qëllime që s’kanë të bëjnë me njerëzit apo një komponent gomarllëku që e gjejmë rëndom në histori te një soji të veçantë shqiposh na kërcënon se kërcënon zinxhirin e vijës së mbrojtjes, që janë njerëzit, harrojeni si ishte koha kur filloi lufta, harrojini gjithë krahasimet me atë kohë”, tha Rama në Ora News.
