Pandemia e koronavirusit ka paralizuar thuajse çdo gjë dhe jeta në të gjitë botën po ecën me ritme shumë të ngadalta.
Një nga sektorët që u prek më fortë që prej 1 muaj tashmë ka ndaluar është futbolli dhe ndër kampionatet e para që u pezulluan ishte Serie A, ku u prekën nga virusi disa futbollistë.
Së fundmi në mediet italiane janë hedhur disa mundësi për vijimin e kampionatit.
Më herët u fol për një rifillim të kampionatit në maj ose në qershor dhe përfundimin e tij në fund të korrikut ose në fund të gushtit.
Por sot në gazetat italiane ka dalë edhe një tjetër version që thotë se ky kampionat do të quhet i mbyllur dhe do të konsiderohet i fituar nga ekipi që ishte në krye të renditjes para se të fillonte kriza, që i bie të jetë Juventus.
Sipas këtij plani në Champions shkojnë edhe Inter Lacio dhe Atalanta, në Europa League, Roma dhe Kaljari dhe nuk do ketë ekipe që zbresin nga kategoria, pasi vitin që vjen do të luhet me 22 ekipe.
