“Çdo natë shohim 3-4 persona që vdesin, do doja që edhe Trump…”/ Mjeku shqiptar në vijën e zjarrit zbulon detaje mbi situatën në SHBA

Doktor Filip Çaushaj, në një lidhje me Skype me ministren e Shëndetësisë Ogerta Manastirliu tregon se edhe pse ka lindur në Amerikë, nuk e ka harruar kurrë fjalën e parë që i ka thënë nëna “Ti je shqiptar”, dhe si shqiptar premton se do të bëjë çmos në përballimin e kësaj situate të krijuar nga koronavirusi.

Fjala e doktor Filip Caushaj:

“Faleminderit doktor Gjatës, unë e quaj atë gjeneralin e tij dhe e kam për nder të bashkëpunoj me ju si shqiptar. Nga larg kam parë veprim të kryeministri Edi Rama, dhe e mbështes. Jo për politik por si doktor jam shumë i gëzuar për masat e marra shumë përpara, është shpëtuar jeta e shqiptarëve.

Do kisha qejf që ta bënte Trump, ju e bëtë dhe unë ju falenderoj dhe ju përqafoj dhe ju falënderoj si shqiptar. Kujtoj fjalët e para që më tha nëna ime “Ti je shqiptar” dhe këto fjalë nuk i harroj kurrë, se shqipen e kam mësuar shumë vonë, pasi kam mësuar anglishten. Çdo natë shohim 3-4 persona që vdesin dhe nuk dua që këtë fat ta ketë Shqipëria jonë dhe do bëj çmos që t’ju ndihmoj”, tha Çaushaj.