Ish-kryeministri Sali Berisha pretendon se shifrat për ata që humbin jetën nga koronavirusi, për të infektuarit, përcaktohen politikisht në mënyrë të paimagjinueshme.
Deklarata e Ish-Kryeministrit Berisha:
“Kjo është një pandemi unike në 100 vitet e fundit që nga gripi spanjoll. Jemi në fillimet e saj, shumë e vështirë të parashikohen përmasat dhe pasojat në shëndetin e njerëzve, pasi në momentin përveç se disa shpresave për një kombinim ilaçesh vaksina nuk është e afërt. Në Shqipëri ndodh ajo që vetëm në Korenë e Veriut mund të ndodhë. Këtu shifrat që jepen për të sëmurët me Covid 19, për të vdekurit nga viroza me Covid 19, për të infektuarit, përcaktohen politikisht në mënyrë të paimagjinueshme nga një njeri që është një xhahil total dhe që ka centralizuar në duart e tij çdo të dhënë çdo shifër çdo veprim. Të thuash që ke 277 të prekur këtë se beson njeri, sepse kanë bërë shumë pak teste krahasuar me vendet e tjera. Ky ka bërë teste 4 herë më pak se Rusia e Putinit. Në kundërshtim flagrant me ligjin ndërkombëtar I cili thotë testim, testim testim”, tha Berisha për abc news.
