Bashkim Fino paralajmëron masa ekstreme për këdo që përhap qëllimisht virusin, ja sa vite burg rrezikon

Bashkim Fino si anëtar i Komisionit të Ligjeve tha se ishte dakord që Shqipëria të bënte ndryshimet e duhura në Kodin Penal për rastin e një pandemie.

Fino tha në emisionin “Kjo Javë”, se është dakord që personat që janë të infektuar me COVID 19 dhe e përhapin tek të tjerët qëllimisht, duke shkaktuar kështu edhe vdekjen e tjetrit, të marrin dënimin e merituar. Këto ndryshime tha ai ishin të nevojshme pasi Shqipëria s’kishte ligj për pandemitë.

“Nuk i kemi diskutuar ende masat e reja në komision, dua t’ju them se në Kodin tonë Penal nuk kemi asnjë nen, asnjë paragraf që ka të bëjë me pandemitë, kemi për pandemitë e kafshëve por nuk kemi për njerëzit, koha po na e dikton. Nga ana tjetër nuk rendim të fusim njerëz në burg. Masat do merren për personat e sëmurë që e përhapin qëllimisht virusin. Në rastin konkret duhet vendosur masa ekstreme, këta individë duhet të dënohen me burg deri 10 vjet. Sot që flasim Greqia, Letonia, Sllovenia e kanë në kodin e tyre penal burgun për njerëzit me virs që shkaktojnë vdekje me dashkje. Thonë që shkelen të drejtat e njeriur? Po e drejta për të mbetur gjallë a shkelet? Atëherë kush e rregullon këtë të drejtë? Prandaj është ligji”,- tha Fino.