LIGJET E BIZNESIT
Pas ndarjes nga jeta të aktorit të madh Rikard Ljarja, ka patur reagime nga ana e shumë njerëzve të tij të njohur, familjarë, miq e dashamirës.
Një mesazh i fortë vjen dhe nga e bija, Lorena Ljarja e cila ka shkruar fjalë shumë prekëse.
Duke postuar disa fotografi familjare, ajo bën dhe një dedikim rrënqethës për të atin e ndjerë.
Lorena shprehet se asnjëherë askush nuk është gati t’i thojë lamtumirë prindit, por ajo ka zgjedhur t’i thotë thjesht ‘mirupafshim’.
Vajza e Ljarjas ka falenderuar të gjithë miqtë për ngushëllimet dhe i ka njoftuar, që sapo të kthehet normaliteti nga Covid-19, do të organizojnë diçka për ta kujtuar aktorin të gjithë bashkë.
Rikard Ljarja është një nga figurat më të rëndësishme që ka lënë gjurmë në kinematografinë shqiptare.
Ai u nda nga jeta mbrëmjen e së hënës në moshën 77-vjeçare, pasi humbi betejën me sëmundjen e rëndë.
REAGIMI I PLOTE:
Sot ka qene nje dite shume e dhimbshme per mua dhe familjen time…. jo vetem sot, por qe sot gjithcka do jete ndryshe per ne. Asnjehere nuk je gati ti thuash lamtumire prindit, por une thjesht do zgjedh ti them sot babit mire u pafshim.
Nuk jam shume e mire me fjale, po sot te gjithe ju miqte e tij dhe tanet na keni mbushur, plotesuar me ngushellimet dhe gjithcka qe keni ndare per babin tim. Ju falenderoj sinqerisht nga zemra per cdo gje dhe cdo respekt qe i keni dhene babait tim.
E kemi percjelle me dite te veshtira, por thjeshtesia ishte ajo qe ai gjithmone ka dashur.
Sapo te kthehet pak normalitet ne jetet tona, familja jone do organizoje dicka per ta kujtuar te gjithe bashke. U prefshe ne paqe dhe tu befte shpirti drite o babush.
