Një deklaratë e fortë ka ardhur së fundmi nga presidenti i Kosovës, Hashim Thaçi.
Ai ka paralajmëruar se do të tërhiqet nga politika, dhe kjo do të ndodhë pas përfundimit të mandatit të tij si president i vendit.
Thaçi ndër të tjera ka rrëfyer dhe planet e tij, duke thënë se do ti përkushtohet familjes edhe pse më parë është shprehur se do të kandidonte për një mandate të dytë.
“Unë mendoj se pas përmbylljes së mandatit, t’i kthehem vetvetes, t’i kthehem familjes. Do të japë kontributin tim gjithmonë për vendin, por si qytetar. Do të bëjë ndonjë punë tjetër jashtë politikës. Asnjë lider nuk duhet ta marrë largimin e një lideri nga skena politike si traumë, përkundrazi duhet ta merr si emancipim. Pas shpalljes së pavarësisë së Kosovës, unë nuk kam ndonjë aspiratë politike”, ka thënë Thaci, në studion e programit Pressing të T7.
