Alarm në Kukës/ Rritet numri i të prekurve me koronavirus, infektohen dhe 3 infermierë

Qyteti i Kukësit po fillon të bëhet një nga zonat më problematike të koronavirusit në Shqipëri.

Aty janë infektuar edhe 3 persona të tjerë, të cilët mësohet se janë infermierë.

Sipas informacioneve përgjigjet e analizave kanë dalë mbrëmjen e djeshme, ndërsa 30 personat e tjerë që janë testuar kanë rezultuar negativë.

Autoritetet në Kukës deklaruan se testet do të vazhdojnë, dhe kanë bërë një thirrje të fortë që të gjithë të qëndrojnë në karantinë.

Ndërkohë po punohet për të gjetur pacientin “zero”, dhe në urgjencën e spitalit rajonal po shërbejnë infermierët e pavionëve pasi të gjithë ata që shërbenin janë të karantinuar.