Aksident masiv në Tiranë/ Përplasen makinat në Ish-Bllok, njëra përfundon brenda në dyqan

Edhe pse vendi tashmë është prej javësh në kushtet e karantinës për shkak të pandemisë së koronavirusit, një aksident masiv është regjistruar pas mesditës së sotme në zonën e Ish-Bllokut në Tiranë.

Mësohet se dy mjete dhe një motor janë përplasur me njëri-tjetrin, ndërkohë që një prej makinave ka përfunduar brenda në një dyqan.

Ashtu sic dallohet edhe nga fotot, mjeti që ka pësuar më shumë dëme është ai në ngjyrë të zezë, ndërkohë që mjeti gri është futur në biznesin e bulmetit duke shkaktuar dëme të konsiderueshme.

Ende nuk dihet gjendja e drejtuesve të automjeteve.

Policia ka mbërritur në vendngjarje dhe po heton për zbardhjen e plotë të shkaqeve dhe rrethanave të aksidentit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern