Një aksident i rëndë ka ndodhur orët e vona të mbrëmjes së djeshme në Lezhë.
Si pasojë e daljes nga rruga të një automjeti, ka humbur jetën shoferi, shtetasi me iniciale A.I, 39 vjeç.
“Në aksin rrugor Lezhë-Milot në afërsi të një karburanti, automjeti me drejtues shtetasin A.I., 39 vjeç, ka dalë nga rruga, dhe për pasojë ka humbur jetën shoferi”, thuhet në njoftimin e policisë.
Policia dhe grupi hetimor po punojnë për zbardhjen e plotë të rrethanave dhe shkaqeve të aksidentit.
