Aksident i rëndë/ Makina përplas motoçikletën, humb jetën i riu (EMRI)

Një aksident i rëndë ka ndodhur pak pas mesnatës në Divjakë.

Mësohet se për pasojë ka humbur jetën shtetasi Alban Petro, 29 vjeç.

I riu po udhëonte me motoçikletë dhe është përplasur me një automjet tip Volkswagen.

Sipas një rindërtimi paraprak të ngjarjes nga policia lokale, automjeti që u godit nga 29 vjeçari po transportonte një grua shtatzënë për në spital.

Një patrullë policie që ndodhej në vendngjarje ka bërë me shenjë për të ndaluar drejtuesin e mjetit, por pas tij ka qenë drejtuesi i motorçikletës ku po udhëtonte me shpejtësi të lartë.

Tentativat e 29 vjeçarit për të shmangur aksidentin rezultuan të kota. Është dashur ardhja e dy autoambulanca për të transportuar në spital gruan shtatëzënë dhe drejtuesin e motorçikletes. Ky i fundit humbi jetën pak pas mbërritjes në spital.