Aksident i rëndë/ Makina përplas biçikletën, humb jetën një person

Një aksident i rëndë ka ndodhur paraditen e sotme në aksin rrugor Elbasan-Bradashesh.

Mësohet se një person rreth 60 vjeç, mashkull, po lëvizte me bicikletë në zonën e quajtur NSHU.

Sipas dyshimeve paraprake, 60 vjeçari po ecte me bicikletë dhe për një moment është përplasur nga një makinë.

Si pasojë viktima, identiteti i të cilit ende nuk dihet, ka ndërruar jetë në vend.

Policia ka mbërritur në vendngjarje dhe po heton për zbardhjen e rrethanave dhe shkaqeve të aksidentit.