Abuzimi seksual me të miturën në Sarandë / Nëna e 17-vjeçares mohon abuzimin: E ka shtyrë i dashuri të gënjejë, më ndihmoni se kam frikë për vajzën

Detaje të reja kanë dalë në dritë lidhur me ngjarjen e rëndë ku pretendohet se një 72-vjeçar ka abuzuar seksualisht me një 17-vjeçare, për të cilën e ka pranuar edhe i moshuari.

Nëna e vajzës që denoncoi 72-vjeçarin për abuzim skesual, ka mohuar që kjo ngjarje të jetë e vërtetë dhe se e gjithë historia është shpikur nga i dashuri i vajzës së saj, i cili e ka mësuar të gënjejë dhe se nuk po njeh më vajzën e saj.

Më tej ajo shton se ai është i martuar me një grua në Itali, dhe se i kishte thënë se do ta lërë gruan për të.

Fjala e nënës:

“Vajza shkonte në shkollë tek ekonomiku në Sarandë. Shkonte dhe vinte ishte e qetë. Në muajin mars sa do të mbushte 17 vjeç vjen një djalë dhe më kërkon të takojë burrin. Ata takohen dhe flasin, pinë kafe. Me 72-vjecarin kemi patur shoqëri, nuk është e vërtetë që ka ndodhur diçka me të. Vajza kishte një djalë dhe unë e pyeta. A je në rregull ? E kupton ti për çfarë flas. Unë nuk kam vajzë për të martuar, i thashë atij djali. Vajzës i thoshte jam 28 vjeç, në pasaportë ishte 34. Vajza që kur është njohur me këtë djalin, ajo ka filluar të flasë kështu. Se çfarë i kanë bërë. I kanë hedhur ndonjë ilaç. Vajza ka qenë gjithnjë e shoqëruar nga ne. Ajo nuk i thoshte këto gjëra përpara. Pasi u njoh me atë djalin. Nuk po njoh dot vajzën time. Vajza ime është në rrezik. Nuk më ndihmon njeri.

Unë dua vajzën të jetë në rrugë të drejtë. Nuk e di se si ka bërë vajza. Më parë nuk fliste kështu. Më tha do takoj vjehrrën dhe se me djalin ishte në rregull. E mbajti vajzën 28 ditë në shtëpi. Pse e mësonte vajzën të gënjente. Pas ditëlindjes së saj në dt 4 mars e mbajti në shtëpi. Ai e kishte pyetur a je e ndershme. Nga doli ky përdhunim. Ajo i kishte thënë djalit se nuk kam shkuar me njëri. Me 72-vjecarin kemi miqësi, por ai nuk vjen kurrë brenda vetëm kur është burri. Nuk është e vërtetë që ka ndodhur kjo gjë edhe me burrin tim. Ai nuk bën nga këto gjëra. Është njeri punëtor. Unë kërkoj ndihmë se kam frikë mos vajza i bën diçka vetes.

Vajza ime tregon gjithmonë. Unë dua të di çfarë qëllimi ka ai djalë për vajzën. Pse e mëson ta mashtrojë, të gënjejë. Ai i ka thënë vajzës që jam i martuar me një grua në Itali. Do ta lë atë dhe do të marr ty. Vajza është e vogël. Si mund të mashtrojë një njeri që e do. Nuk i fal vetes që vajzës t’i ndodhë diçka. Pse gënjente vajza që jam në Durrës kur ishte në shtëpinë e tij. Ky djali kur u bëri propozimin vajza i tha se jam e ndershme. Vajza ka qenë e qetë, gjatë gjithë kohës. Këtë muaj që ka qëndruar me këtë të riun kanë ndodhur gjithë këto gjëra. Unë dua të mbroj vajzën. Ky i riu i dërgonte sms ku i shkruante hidhu nga dritarja se të marr unë. Ai dërgonte sms dhe i thoshte prindërit e tu do bien në burg. Më ndihmoni se jeta e vajzës është në rrezik,”- tha e ëma.