LIGJET E BIZNESIT
Bota është pushtuar së fundmi nga pandemia e koronavirusit, e cila ka vënë në rrezik jo vetëm shëndetin e njerëzve, po dhe ekonominë e tyre.
Ndërkohë teori të shumta konspirative kanë qarkulluar për këtë virus.
Një prej tyre është dhe ideja se COVID19 mund të ketë ardhur nga teknologjia 5G ose që të paktën kjo e fundit ndikon në përhapjen dhe rrit mundësinë për tu infektuar..
Por shkenca e mohon kategorikisht këtë gjë.
Teoritë aktuale ndahen në dy grupe: teoria sipas të cilës teknologjia 5G ul imunitetin e organizmit, duke e bërë njeriun më të brishtë e rrjedhimisht duke u prekur me lehtësisht, dhe teoria e dytë pretendon se është pikërisht 5G shkaktare e Covid-19.-raporton Fortune.com.
Për Simon Clarke, profesor i mikrobiologjisë qelizore në Universitetin Britanik Reading, tëoritë rreth rrjetit 5G janë të pamundura.
Ai shpjegon se prania e valëve radio me frekuencë të lartë mund të influencojë në fiziologjinë e njeriut duke rritur temperaturën e trupit dhe duke dobësuar sisitemin imunitar, por duke qenë se valët e 5G kanë frekuenca mes 3-30 Ghz, këto bazuar në studimet e deritanishme, nuk arrijnë të dëmtojnë qelizat, ndryshe nga sa ndodh me rrezet diellore ose ato X.
Ndërsa duke ju referuar teorisë tjetër sipas së cilës është 5G që e ka transmetuar virusin, komuniteti shkencor thotë se virusi transmetohet në rrugë ajrore, dhe në bazë të të gjitha studimeve në laborator mbi të, konkluzioni është se viruset dhe valet elektromagnetike që shfrytëzojnë celularët, funksionojnë në mënyra totalisht të ndryshme.
