LIGJET E BIZNESIT
Hani shëndoshë, ekspozohuni në diell, flini mjaftueshëm, bëni aktivitete fizike, rrethohuni me shoqëri të shëndoshë; ky është përkufizimi i shëndetit me pak fjalë.
Por, natyrisht arma e vetme për të luftuar viruset është një imunitet i fortë.
Si të shpëtoni nga një infeksion viral? Ekziston vetëm një përgjigje: mbrojtjet e zhvilluara nga sistemi ynë imunitar. Për momentin, në të gjitha rastet, është reagimi i sistemit imunitar ai që do të vendosë rrjedhën e sëmundjes, pavarësisht nëse ajo kalon pa u vënë re, nëse është e butë apo zhvillohet në pneumoni të rënda, ndonjëherë fatale.
Pra, le të kthehemi në sistemin tonë imunitar. A mund ta forcojmë për të luftuar virusin aktual?
Shoqëritë tona kanë ditur gjithmonë shumë gjëra. Se një dietë e shëndetshme është e nevojshme për shëndetin. Vitamina C është rekomanduar prej kohësh për njerëzit me grip. Hani agrume!
Vitamina D gjithashtu luan një rol: në mungesë të diellit, trupi ynë nuk sintetizon vitaminën D.
Ky është një nga shpjegimet për sezonalitetin e sëmundjeve virale, të cilat zhvillohen më shumë në dimër.
Helioterapia, e cila bëri suksesin e luftës kundër tuberkulozit në Leysin dhe Montana, pati efektin e forcimit të trupit në vitaminën D. Kështu që ekspozoni veten në diell sa herë të mundeni, idealisht në diellin e mëngjesit!
Dielli është i shëndetshëm, por edhe ekspozimi i tepruar mund te shkaktojë probleme, andaj, bëhuni doktor i vetes.
Edhe gjumi është shumë i rëndësishëm; përveçse pushon trupin dhe trurin, ai është edhe regjenerues. Andaj flini, flini sa duhet!
Gjithashtu, aktiviteti fizik kontribuon në shëndet. Mos e neglizhoni; edhe pse të izoluar, aktualisht në karantinë; qëndroni aktiv; aktiviteti i kontribuon shëndetin fizik, por gjithashtu edhe shëndetit mental.
Mos praktikoni sport me zor, është shume e rëndësishme ta shijoni/të ndjeni kënaqësi e jo frustrim.
Natyrisht që alkooli i tepruar dhe tymi i duhanit, nuk do të jenë shokët tuaj më të mirë, por edhe të imunitetit, andaj evitojini!
Disa herë në ditë dëgjoni: rrini në shtëpi, kujdesni për higjienën personale, qëndroni larg kontakteve, por pak flitet për rëndësinë e vitaminave/amino-acideve dhe mineraleve të cilat me siguri që kanë shumë efekt pozitiv te shëndeti.
Është një gjë të qëndrosh në shtëpi, për të evituar përhapjen e viruseve, por është një gjë tjetër të sensibilizohet populli në lidhje me gjërat që mund të ndihmojnë për ta forcuar imunitetin.
