A duhen mbajtur maskat dhe si ti përdorim? Dëgjoni këshillën më të re nga ISHP

Një nga pyetjet më të shpeshta që bëhet kohët e fundit është nëse duhet mbajtur maskë për tu mbrojtur nga koronavirusi.

Instituti i Shëndetit Publik e shpjegon këtë, duke theksuar se edhe në rastet kur mbahet maska duhet shoqëruar dhe me masa të tjera mbrojëse, si larja e duarve apo dhe e fytyrës.

Sipas këtij institucioni nuk është e nevojshme të mbani disa maska njëra mbi tjetrën (të mbivendosura.)

“Organizata Botërore e Shëndetësisë rekomandon të mbani një maskë vetëm nëse dyshoni se mund të jeni infektuar me koronavirusin e ri dhe keni simptoma të tilla si kollë, teshtitje ose nëse jeni duke u kujdesur për një person të dyshuar për infeksion me koronavirusin e ri (udhëtimi i fundit në Kinë dhe simptomat e frymëmarrjes). Përdorimi i maskës ndihmon për të kufizuar përhapjen e sperklave dhe nepermjet tyre te virusit, por duhet të ndiqet edhe me masat e tjera të higjienës respiratore dhe të duarve. Nuk është e nevojshme të mbani disa maska njëra mbi tjetrën (të mbivendosura)”, sqaron ISHP.

Ja se si duhet te veproni për të vendosur dhe hequr maskën:

-Perpara se te vendosni masken, lani duart tuaja me sapun dhe uje ose me një solucion me baze alkooli.
-Mbuloni gojen dhe hunden me maske, duke u siguruar qe te pershtatet mire me fytyren tuaj.
-Mos e prekni masken gjate vendosjes- nese e prekni, lani duart.
-Kur maska laget apo zbutet nga lageshtira, zevendesojeni ate me nje te re dhe mos e perdorni perseri; ne fakt ato jane maska me nje perdorim.
-Hiqeni masken duke e kapur ate nga llastiku dhe mos prekni pjesen e perparme te maskes.
-Hidheni menjehere ne nje kosh te mbyllur dhe lani duart.

Kujdesuni për veten dhe për të afërmit tuaj!

-Nëse jeni i sëmurë me ethe dhe me kollë, lani shpesh duart me ujë e sapun ose me alkool.

-Qëndroni në shtëpi. Mos shkoni në punë, në shkollë ose në vende publike! Pushoni, pini lëngje dhe ushqehuni shëndetshëm!

-Qëndroni në një dhomë të veçuar nga anëtarët e tjerë të familjes! Nëse kjo është e pamundur, përdorni një maskë mjekësore dhe qëndroni të paktën 1 metër larg tyre!

-Mbajeni dhomën të ajrosur mirë dhe nëse është e mundur përdorni një banjë të veçantë!

-Kur kolliteni ose teshtini, mbuloni gojën dhe hundën me bërrylin e përkulur ose përdorni një letër të butë me një përdorim të cilën duhet ta hidhni menjëherë në koshin e mbeturinave!

-Thërrisni menjëherë punonjësit e shërbimit shëndetësor, nëse keni vështirësi në frymëmarrje.