I riu shqiptar, Lorenc Koka i cili punon si inxhinier mekanik pranë “Brooks Instrument Philadephia”, një kompani e specializuar në prodhimin e respiratorëve, kaq të nevojshëm për pacientet e prekur nga koronavirus.
Ai shpjegoi gjatë një interviste në “Opinion” arsyet që e bëjnë një respirator të jetë i vështirë për t’u siguruar, veçanërisht në këto kushte.
“Ventilatori është një pajisje shumë komplekse dhe puna për ndërtimin e çdo elementi përbërës është shumë komplekse.
Janë 3 apo 4 pjesë kryesore, që do doja të shpjegoja pa u futur në shumë detaje. Arsyeja që nuk kemi në dispozicion numrin e mjaftueshëm është që duke filluar nga çmimi, pasi një ventilator shkon nga 25 mijë deri në 50 mijë dollarë. Specifikisht po flas për në Amerikë, janë rrrth 5200 spitale në të gjithë territorin nga të cilat 1300 janë spitale private që kryejnë edhe kërkimin shkencor. Dhe kur një spital blen një ventilator ata përdorin buxhetin e tyre. Përpara se të krijohej kjo gjendje alarmante qeveria apo spitalet nuk kërkuan një numër të lartë, sepse më pas ato do të mbeteshin në raft. Prodhimi i secilës pjesë në një ventilator kërkon 2 muaj kohë e pas duhet edhe të kualifikohet e të testohet”, deklaroi Koka.
