13 raste të reja, shkon në 446 raste në total numri i të prekurve nga COVID-19

Janë shënuar 13 raste të reja të prekur nga koronavirusi në Shqipëri.

Në komunikimin e përditshëm, Ministria e Shëndetësisë bëri me dije se këto raste pozitive me covid-19 dolën pas 233 testeve që u bën në 24 orët e fundit në vendin tonë.

Në total deri më tani janë bërë 3877 teste, nga të cilat 446 kanë rezultuar pozitiv.

Por ka edhe një lajm të mirë, pasi në 24 orët e fundit 20 pacientë janë shëruar, duke e çuar numrin e tyre në 217 gjithësej.