Kryeministri i Britanisë e ka kaluar gjendjen kritike dhe ka dalë nga spitali.
Lajmi është konfirmuar nga një zyrtar i qeverisë britanike, i cili theksoi se gjendja e Boris Xhonson tashmë është më e stabilizuar.
“Kryeministri ka lënë spitalin, por ndëkrohë do të vazhdojë shërimin e tij. Me këshillën që ka marrë nga këshilltarët e tij mjekësorë, Johnson nuk do të kthehet menjëherë në punë. Ai dëshiron të falënderojë të gjithë për kujdesin që kanë treguar gjatë kohës që ishte shtruar në spital”, tha zëdhënësi.
Xhonson qendroi për më shumë se një javë në spital, kur të enjten dhe të premten shëndeti i tij u përkeqësua, por për fat të mirë mjekët arritën të bëjnë kthesën e duhur në betejën e tij me COVID-19.
