Zv. ministrja e Shëndetësisë Mira Rakacolli me anë të një deklarate për mediar dha detaje mbi infektimin e dy mjekëve në Spitalin “Shefqet Ndroqi”.
Zv. Ministrja tregoi se ata janë infektuar nga një i afërm i një pacienti që ishte shtruar në Sanatorium. I afërmi i pacientit nuk ka dhënë informacion në stafet mjekësore që kishte qenë në Itali gjatë javës së fundit.
“Njëri prej pacientëve që aktualisht po trajtohet në Infektiv ka qenë i shtruar në Sanatorium. Ky është vizituar nga një i afërm që vinte nga Italia dhe që nuk ka dhënë këtë informacion në stafet mjekësore. Ka rezultuar pozitiv një mjeke dhe një teknik i shkencave mjekësore, nga 17 teste të kryera. Janë të vetëizoluar dhe në gjendje të mirë shëndetësore”, deklaroi Rakacolli.
Më tej Zv.ministrja komentoi edhe veshjen e mjekëve, dhe bëri me dije se nuk ka mungesa.
