Shqipëria do të dërgojë drejt Italisë, në zonat ku gjendja nga koronavirusi është më e rëndë, 30 mjekë për të dhënë ndihmë në përballimin e situatës.
Vendimi është marrë sot nga qeveria shqiptarë dhe 30 mjekët dhe inferemierët do të shkojnë për të shërbyer në zonën e Bergamos që është më e goditura nga pandemia e COVID-19.
Në vendimin e qeverisë shqiptare thuhet se mjekët do të paguhen respektivisht nga 3 mijë dhe 2500 euro dhe të gjitha kostot do të mbulohen nga buxheti i shtetit shqiptar.
Mësohet se ky vendim ka ardhur pas një bisede mes kryeministrit Rama dhe ministrit të jashtëm italian, Di Maio.
Drejt Italisë në ditët e fundit kanë nisur ndihma shumë vende, ku Kina dhe Rusia deri më tani kanë qenë ndër më të rëndësishmit.
