LIGJET E BIZNESIT
Ditën e sotme Operacioni Forca e Ligjit, që ka për qëllim goditjen e krimit të organizuar dhe vënies së pasurive në mënyrë të paligjshme, u ka dërguar formularin dy personave të tjerë.
Mësohet se ata janë Eljon Hato dhe Ilir Selmani, emra të njohur për drejtësinë, të dy të dënuar për vrasje.
Por kush janë Eljon Hato dhe Ilir Selmani?
Eljon Hato ishte pjesë e vrasjes që ndodhi në ish-bllok më 4 tetor 2018, ku dhe mbeti i plagosur.
Ai njihet nga të gjithë si shok me Ervis Martinajn.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Më pas më 26 shkurt Gjykata e Tiranës e liroi nga burgu dhe vendosi masën e sigurisë “arrest shtëpie” për shkak të shëndetit të tij të rënduar.
Por dhe më herët i riu ka qënë i përfshirë në ngjarje kriminale.
Hato akuzohet se më 12 maj 2014 ka vrarë moshatarin e tij pas një sherri banal, dhe ishte nën efektin e alkoolit.
Ndërsa nga ana tjetër Ilir Selmani njihet edhe me pseudonimin “Boksieri”.
Ai është shpallur në kërkim nga policia për ekzekutimin e ish-efektivit Santiago Malko.
Selmani është personi që mblodhi afër vendit të ngjarjes bishtat e cigareve që kishte konsumuar Blendi Teta, dhe i hodhi në koshin e mbeturinave. Blendi Teta është kthyer në dëshmitarin kryesor pasi ka zbërthyer pjesë të rëndësishme të grupit që organizoi vrasjen e Santiago Malkos.
NJOFTIMI ZYRTAR I POLICISE
Vijon Operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji. Në këtë kuadër, OFL u ka dërguar kërkesat për vetëdeklarim të pasurisë, shtetasve: E. H., banues në Lezhë, i dënuar për veprat penale “Vrasja me dashje”, “Plagosja e rëndë me dashje” dhe “Armëmbajtje pa leje”; I. S., banues në Tiranë, i dënuar për veprat penale “Vrasja me paramendim” e kryer në bashkëpunim dhe “Armëmbajtja pa leje”, në kuadër të grupit të strukturuar kriminal.
Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.
Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse.
Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.
